ہزاروں میل دور بیٹھے اک غیر ملکی کو آصف زرداری اور نواز شریف وغیرہ سے کیا لینا دینا؟ رحمن ملک کو تو جھوٹوں کا آئی جی کہہ کر آپ جان چھڑاسکتے ہیں لیکن ریمنڈ ڈبلیو بیکرRaymond w. Bakerکے بارے میں کیا ارشاد ہے جس نے دونوں سرغنوں کی بہت سی وارداتوں کو بے نقاب کردیا ہے۔ یہاں زرداری صاحب اور میاں نوازشریف کے لئے اک مشورہ ہے کہ وہ چاہیں تو کتاب کے مصنف پرنٹر پبلشر پر اس کے ملک میں مقدمہ کرکے کھربوں ڈالر کما سکتے ہیں۔ ایک ملک کا صدر ہے تو دوسرا دوبار وزیر اعظم رہ چکا… اگر سچے ہیں تو ریمنڈ ڈبلیو بیکر کی دھجیاں اڑا کر رکھ دیں۔ کتاب کا نام ہے۔
"Capitalism's Achilles Heel" dirty money & how to renew the free market system
یہ کتاب آصف زرداری اور نواز شریف اور ان کی وجہ سے پاکستان کی رسوائی، بدنامی اور ذلت کا باعث بھی بن رہی ہے تو دونوں عظیم قائدین کو اس کا نوٹس لینا چاہئے۔ اس کتاب کے صفحات76-87پر صاف صاف لکھا ہے کہ پاکستان اس حال کو کیسے پہنچا اور کس نے پہنچایا۔کتاب میسر نہ ہو تو خاکسار خدمت کے لئے تیار ہے۔ جناب زرداری اور میاں صاحب کو ایک ایک کاپی تحفتہً پیش کرسکتا ہوں اور میرا خیال ہے ڈاکٹر عبدالقدیر خان صاحب بھی اس سلسلے میں مدد فرما کر خوش ہوں گے……یا پھر کم از کم اتنا بیان تو جاری فرماؤ کہ
”ریمنڈ بیکر بھی جھوٹوں کا آئی جی ہے“
نوٹ:۔ قارئین نے خاطر خواہ دلچسپی دکھائی تو اس تہلکہ خیز کتاب سے چند چوندے چوندے”ٹوٹے“ بھی پیش کردئیے جائیں گے۔
Please visit: http://aftabkhan.blog.com
